News and Updates News and Updates

ለመንግስትሠራተኞችየተደረገውየደሞዝጭማሪየዋጋንረትንእንደማይስከተልየገንዘብና ኢኮኖሚ ትብብርሚኒስቴርአሰታወቀ፡፡

የገንዘብና ኢኮኖሚ ትብብር ሚስቴር የ2009 በጀት ዓመት የተጨማሪ በጀት ግምገማና የውሳኔ አስተያየት የያዘ ሰነድ በትናንትናው ዕለት ለህዝብ ተወካዮች ምክርቤት አሰምቷል፡፡

የተጨማሪ በጀቱ ያስፈለገበት ዋነኛ ምክንያቶች መንግስት ከጥር 1 ቀን 2009 ዓ.ም ጀምሮ ለመንግስት ሰራተኞች የሚያደርገውን የደመወዝ ጭማሪ ለመሸፈን፣ ለወጣቶች የተሻለ የስራ ዕድል ለመፍጠር ታስቦ የተዘጋጀውን የተዘዋዋሪ ፈንድ ለማቋቋም፣ በሃገራችን የድርቅ አደጋ ያደረሰውን ተፅዕኖ ለመቋቋም እና የገጠርና የከተማ ልማታዊ ሴፍቲኔት ፕሮግራምን ለማስፈፀም የሚውል ነው፡፡

በተጨማሪም ሀገሪቱ  በሁለተኛው የዕድገትና የትራንስፎርሜሽን ዕቅድ ዘመን የተቀመጡ ግቦችን ለማሳካት የሚያስችሉ አዳዲስ ፕሮጀክቶችን ለማሰፈፅም ያለመ ነው፡፡

በመሆኑም በቀሪዎቹ የበጀት ወራት የሚሰበሰበው ገቢ ጨምሮ በበጀት ዓመቱ በበጀት ከተያዘው በላይ ሊሰበሰብ የሚችለው ገቢ እንደገና መገመት በማስፈለጉ በተሰራው ግምት መሰረት ታክስ ካልሆኑ ገቢዎችና የካፒታል ገቢ  18.26 ቢሊዮን ብር እንደሚገኝ በመገመቱ ለመደበኛ ወጪ ብር 17.91 ቢሊዮን እና ለካፒታል ወጪ  346.25 ሚሊዮን ብር መሸፈኛ እንዲውል ተደግፎ ቀርቧል፡፡

የገንዘብና ኢኮኖሚ ትብብር ሚኒስትር ዴኤታ አቶ አለማየሁ ጎጁ በምክር ቤቱ ቀረበው እንዳሰረዱት የተጨማሪ በጀቱ  ከዕርዳታና ብድር ነፃ ሆኖ ከሀገሪትዋ ገቢ የተገኘ  በመሆኑ በዋጋ ንረት ላይ ምንም ዓይነት ተፅዕኖ እንደማይኖረው ጠቁመዋል፡፡

ከበጀት ጭማሪው ጋር ተያይዞ መንግስት ከ2009 በጀት ዓመት ጀምሮ ለወጣቶች የተሻለ የስራ ዕድል ለመፍጠር 10 ቢሊዮን ብር ማቀዱን ይታወሳል በዚህም በቀሪው በጀት ዓመት 5 ቢሊዮን ብሩ የሚለቀቅ ሲሆን የተቀረውን ደግሞ በ2010 በጀት ዓመት ለፈንዱ የሚከፈል ይሆናል፡፡

መንግስት የደሞዝ ጭማሪ ለማድረግ በወሰነው መሰረት ደግሞ ከጥር 1/2009 ዓ.ም ጀምሮ በአገር አቀፍ ደረጃ ለመንግስት ሰራተኞች የደሞዝ ጭማሪ እንደሚያደርግ ይጠበቃል፡፡ በመሆኑም ለደሞዝ ጭማሪው ብር 9 ቢሊዮን ከመጠባበቂያ በጀት እንዲያዝ ተደርጓል፡፡ በሌላ በኩል በሃገራችን አንዳንድ አካባቢዎች በተከሰተው ድርቅ እና በገጠር እየተካሔደ ላለው የልማታዊ ሴፍትኔት ፕሮግራም ማስፈጸሚያ የሚውል በአጠቃላይ ብር 3.91 ቢሊዮን ተጨማሪ ወጪ ከመጠባበቂያ በጀት እንዲያዝ ተደግፎ ለምክር ቤቱ ቀርቧል፡፡